Ambasada e Republikës së Maqedonisë së Veriut në Danimarkë

H.C. Andersens Boulevard 37, 2.tv. 1553 København V

Tel: ++ 45 42 555 201

Faks: ++ 45 39 76 69 28

Lajmet më të reja

Ministri Osmani prezantoi MKartë-n, e destinuar për qytetarë tanë të spikatur jashtë vendit

Ministri i Punëve të Jashtme Bujar Osmani, sot në konferencë për media prezantoi projektin MKARTË, e destinuar për persona me prejardhje nga Maqedonia e Veriut si njohje simbolike e angazhimit të tyre jo vetanak në drejtim të promovimit të shtetit jashtë vendit. “MKarta paraqet njohje dhe vërtetim për persona të spikatur nga vendi të cilët jetojnë jashtë vendit, e të cilët me punën dhe profesionalizmin e tyre kanë dëshmuar sukses të posaçëm, e me këtë edhe promovim të vërtetë të Maqedonisë së Veriut jashtë vendit”, theksoi Osmani. “Si vend amë duam t’iu shprehim mirënjohje, do thoja në mënyrë simbolike- t’iu kthejmë apo t’iu kompensojmë rolin e tyre si promovues të vendit, duke na prezantuar ne sikur vend prej ku vijnë njerëz të suksesshëm dhe cilësor”, shtoi ai. “Në një periudhë më të gjatë, një numër i madh jo vetëm që kanë lëshuar vendin, por edhe kanë arritur sukses të veçantë profesional dhe shoqëror aty ku gjenden. Janë mjekë të suksesshëm, shkencëtarë, biznesmenë, punonjës kulturor, etj., të cilët duam t’i tërheqim drejt vendit, t’ua përforcojmë lidhjen dhe të krijojmë potencial për përfshirjen e tyre në rrjedhat tona shoqërore”, tha Osmani. Ideja është që personalitetet e këtille të jenë një rrjet i gjerë e cila do të ishte thellë e përfshirë në rrjedhat shoqërore të shtetit. I gjithë procesin lidhur me MKartën do të koordinohet nga Ministria e Punëve të Jashtme. Me kartën do të fitohen disa beneficione, si hyrje e lirë në ngjarje kulturore, muze e galeri, do të ketë përparësi gjatë aplikimit për projekte në kuadër të programeve për bashkëpunim me Ministrinë e Punëve të Jashtme me individë dhe shoqata jashtë Maqedonisë së Veriut dhe të ngjashme. Në bashkëpunim me resorët qeveritare, punohet në zgjerimin e listës së privilegjeve. Është planifikuar që të drejtë për dhënien e Mkartës të ketë edhe Qeveria, gjegjësisht resorët e saj diplomatiko- konsullore jashtë vendit, ndërkaq ndarja do të realizohet me procedurë strikte përmes Ministrisë së Punëve të Jashtme.

Me panelin ndërkombëtar “Rruga drejt Forumit të Prespës për Dialog” u paralajmërua konferenca e madhe ndërkombëtare në Ohër

Sot,  në klubin e deputetëve në Shkup, u mbajt paneli ndërkombëtar “Rruga drejt Forumit të Prespës për Dialog” si ngjarje hyrëse për konferencën ndërkombëtare  “Forumi i Prespës për Dialog” që do të mbahet më 1 dhe 2 korrik të këtij viti në Ohër dhe Oteshevë. Nikoqir në këtë panel ishte Ministri i Punëve të Jashtme Bujar Osmani i cili me këtë rast e shpjegoi qëllimin dhe prezantoi konceptin dhe idenë themelore të Forumit të Prespës për Dialog. “Në thelbin e Forumit të Prespës për Dialog  gjendet esenca e tri Marrëveshjeve me të cilat Maqedonia e Veriut njihet si një shembull unik në rajonin më të gjerë. Këto janë Marrëveshja Kornizë e Ohrit, Marrëveshja për miqësi me Bullgarinë si dhe Marrëveshja për partneritet strategjik me Greqinë, e njohur si Marrëveshja e Prespës. Në këto marrëveshje vërehen parime të forta politike dhe vlera që kanë kuptim universal: para së gjithash, hapat e guximshëm politikë në ndërtimin e kompromiseve afatgjata dhe të qëndrueshme; zbatimi i qenësishëm i inkluzivitetit në tejkalimin e dallimeve ndërmjet grupeve të ndryshme; respekti i ndërsjellë, durimi politik dhe diplomatik, dhe para së gjithash qasja pozitive në ndërtimin e miqësisë ndërmjet fqinjëve në kuptimin më të gjerë të fjalës.” theksoi Osmani. Pjesëmarrësit shprehën mbështetjen e tyre dhe potencuan rëndësinë e nismës për themelimin e Forumit. Me diskutimet e tyre të frytshme, ata dhanë ide dhe propozime të reja që do të prezantohen në Dokumentin politik rajonal të përbashkët në Konferencën Forumi i Prespës për Dialog, me rekomandime për politikat sa i takon ndikimit politik, ekonomik dhe social të marrëveshjeve rajonale dhe bilaterale në Ballkanin Perëndimor. Në këtë ngjarje, krahas nikoqirit – Ministrit të Punëve të Jashtme, Bujar Osmanit, morën pjesë edhe Florian Biber, profesor i historisë dhe politikës së Europës Juglindore në Universitetin e Gracit, Janis Armakollas nga ELIAMEP, Vesella Çerneva, Zëvendësdrejtore e ECFR dhe udhëheqëse e zyrës së Këshillit Europian për marrëdhënie të jashtme në Sofje, Edvard Xhozef, profesor në Universitetin Xhon Hopkins të Shteteve të Bashkuara, Gerald Knaus, Iniciativa Europiane për Stabilitet nga Berlini, Damir Marushiq, Këshilli Atlantik, Ivan Krastev, Qendra për Strategji Liberale nga Sofja, Velleshka Esh, Instituti Apen, Gjermani, Ervan Fuere, Qendra për Politika Europiane. Të pranishëm ishin gjithashtu edhe shumë përfaqësues të institucioneve shtetërore, ambasadave të huaja në vendin tonë dhe përfaqësues të sektorit joqeveritar. Forumi i Prespës për Dialog është projekt shtetëror në organizim të Ministrisë së Punëve të Jashtme dhe nën patronazhin e Kryetarit të Qeverisë së Republikës së Maqedonisë së Veriut. Bëhet fjalë për një konferencë me karakter ndërkombëtar, me listë mbresëlënëse mysafirësh të ftuar, pjesa më e madhe e të cilëve tanimë e kanë konfirmuar praninë e tyre, me ç’rast pritet të vijnë kryeministra, ministra nga rajoni dhe nga vendet anëtare të BE-së, përfaqësues të lartë të BE-ës dhe SHBA-ve por edhe përfaqësues të organizatave të tjera ndërkombëtare.

Osmani: E konfirmon Kopenhaga zyrtare- Maqedonia e Veriut i plotëson kriteret e Kopenhagës

Në kuadër të vizitës së punës në Mbretërinë e Danimarkës, Ministri i Punëve të Jashtme, Bujar Osmani realizoi takim me homologun e tij, Ministrin për Punë të Jashtme Jepe Kofod. Temë kryesore e bisedës ishin perspektivat evropiane dhe pritjet e shtetit tonë- zbatimi i vendimit nga marsi i vitit të kaluar, përmes miratimit të Kornizës negociuese dhe mbajtjes së Konferencës së parë ndërqeveritare. Në këtë drejtim, Ministri Osmani përshëndeti përpjekjet e Danimarkës për ruajtjen e dinamikës në procesin e zgjerimit të BE-së, sipas kritereve të vendosura dhe falënderoi për mbështetjen e tyre parimore për ambiciet euro-atlantike dhe evropiane të Republikës së Maqedonisë së Veriut. Kofod përshëndeti rezultatet e arritura të Qeverisë sonë me qëllim përforcimin e demokracisë dhe sundimit të së drejtës, me çka theksoi domosdoshmërinë e zbatimit të vazhdueshëm dhe të përkushtuar të standardeve evropiane dhe qëllimeve reformatore. Ai siguroi se Danimarka mbetet mbështetës i perspektivave eurointegruese të Republikës së Maqedonisë së Veriut me besimin se së shpejti edhe formalisht do të nisin negociatat për aderim në BE.  “Fokusi ndaj reformave dhe progresi në fushat kryesore, përmbushja e kritereve të njohura të “Kopenhagës”, të cilat edhe me Metodologjinë e re nuk kanë ndryshuar, si dhe thellimin e raporteve të mira ndërfqinjësore edhe më tutje mbeten prioritet i yni, edhe në periudhën vijuese. Maqedonia e Veriut realizoi në çdo fushë dhe meriton valorizimin e progresit të arritur. Nisja formale e bisedimeve është vetëm fillim simbolik i rrugës së gjatë të transformimit, por sinjal i rëndësishëm dhe inkurajim i domosdoshëm për të gjithë rajonin që do të përforcojë kredibilitetin e procesit eurointegrues. E kjo është e rëndësishme për të gjithë ne, veçmas për ne- vendet e rajonit, sepse idea evropiane është ajo që na bashkon përreth vlerave bashkëkohore”, theksoi Osmani. Bashkëbiseduesit në takim biseduan edhe për procesin e nisur tashmë të reflektimit strategjik në vendet anëtare edhe në nivel të BE-së në kuadër të Konferencës për ardhmërinë e Evropës, me ç’rast Osmani kujtoi Kofod se ne jemi të përgatitur, në pajtim me statusin e kandidatit për anëtarësim të japim kontributin modest, që do të mundësojë impuls pozitiv për avancimin e Agjendës së Përgjithshme Evropiane.   Në vazhdim, të dy ministrat shkëmbyen mendime, propozime dhe sugjerime për avancimin e mëtejmë dhe thellimin e bashkëpunimit bilateral, me përmbajtje të reja në të gjithë fushat e interesit të përbashkët, duke vënë theksin e interesit dhe nevojës në përforcimin e bashkëpunimit ekonomik, përmes identifikimit të interesit të mundshëm për investuesit dhe për intensifikimin e shkëmbimit tregtar. Në Agjendën e Ministrit Osmani në Danimarkë, gjendet edhe takimi me Zhan Elerman- Kingombe, Sekretar Shtetëror në Kabinetin e Kryeministres Frederiksen, ku përsëri do të dominojnë temat e dosjes evropiane të vendit. Gjatë vizitës në Kopenhagë, Osmani do të takohet edhe me shumë qytetarë tanë, si dhe përfaqësues të shumë shoqatave nga diaspora e Republikës së Maqedonisë së Veriut në Danimarkë.                                                

Kopenhagë, 4 maj 2021

Destinacione turistike

Баба Планина, Битола

Охридско езеро, Охрид

Дојранско езеро, Дојран